A.12 Jafnræði til náms
Aðgerðin er í vinnslu | |
---|---|
Fréttir af aðgerðinni
Janúar 2024 Fagháskólanám í leikskólafræðum hófst að nýju í september 2023 í samstarfi HÍ og HA. Námið er unnt að stunda óháð búsetu nemenda og voru 50 skráðir á haustönn. HÍ fékk 10 m.kr. styrk frá MRN í desember 2022 til að þróa og skipuleggja fagháskólanám í leikskólafræðum í samstarfi við HA. Stefnt er að því að námið verði í boði við báða háskólana árin 2023-2025 sem sameiginlegt námsframboð skólanna. Átak er í gangi um að fjölga kennurum og fagfólki af erlendum uppruna í kennslustörfum. Íslenskubrú er starfrækt og vinnustofur og aukin ráðgjöf eru í boði fyrir nemendur sem eru með annað heimamál en íslensku. MRN studdi einnig sérstaklega við Íslenskuþorpið með 1,5 m.kr. viðbótarframlagi.
Tengiliður
Guðni Olgeirsson, mennta- og barnamálaráðuneyti - [email protected]
Markmið: Að aðgengi verði aukið að kennurum með sérþekkingu í tilteknum fag¬greinum og á tilteknum námssviðum á grunn- og framhaldsskólastigi.
Stutt lýsing: Nemendur hafi aðgengi að sérfræðiþekkingu kennara með sérhæfingu í tilteknum faggreinum eða á tilteknum námssviðum, kennslu og kennsluráðgjöf, m.a. stafrænt, svo að jafnræði þeirra til náms óháð landfræðilegri staðsetningu verði tryggt eins og kostur er. Mönnun í tilteknum faggreinum og á tilteknum námssviðum í grunn- og framhaldsskólum verði kortlögð og þörf fyrir rafræna kennslu og kennsluráðgjöf metin.
- Ábyrgð: Mennta- og barnamálaráðuneytið.
- Framkvæmdaraðili: Menntamálastofnun, Samband íslenskra sveitarfélaga og Grunnur – félag fræðslustjóra og stjórnenda skólaskrifstofa.
- Dæmi um samstarfsaðila: Háskólar, fagfélög skólastjórnenda og kennara og fyrirtæki í stafrænni þróun tæknilausna á sviði velferðar- og menntamála.
- Tímabil: 2022–2026.
- Tenging við aðrar stefnur/áætlanir: Menntastefna, þingsályktun um barnvænt Ísland.
- Tenging við heimsmarkmið Sameinuðu þjóðanna: Styður markmið 4, einkum undirmarkmið 4.1, 4.3, 4.4, 4.5 og 4.7.
- Tillaga að fjármögnun: Mennta- og barnamálaráðuneytið.